الغيبوبه

موضوع: الغيبوبه الأحد مايو 11, 2008 9:28 pm

هذه قصيدة لسالم سيار عن غيبوبة الاخ حبيت اشاركم فيها وهذه كلماتها:
بنادق مهجتي معبا فشقها والغلا نيـــــــشان
أبطلق روحــي في قـــلب القصيد وانـــــــظم أبياته
أبذبح حزني من أقصى الشعور لأول الاخوان
وأسيل عـــمره وتــــشرب عيون العــــــــمر دمــــــعاته
وحيد ولا معي إلا اخوي بداخلي غفـــــيان
تـرفرف ضـــــــحكته واطلق نعاس لـــــــــــصبح ظــحكاته
في بالي ارقد وادري حزين وبارد وشردان
وانا انـــــثر بــــــــــرده من فوق الخيال وجمر سجــــاته
ينام..ينام واعقد بعين الأغاني جمرة التحنان
ينـــــــام واعــــقد بعــــين الــــبداية كــــل نهاياته
يدور القلب يتفتت ضلوعه يطحنه حرمـان
يجــــــــوع القلــــب يحظــــــني في جوعي واكل فـــتاته
واطل من الألم احظن حياة الشارع الولهان
يلـــــــملم حســـــــــرتي ويكسر وجودي بشوق اضـــائاته
تعبت تمليني طعون تصيب من خنجر الخلان
تعـــــــــبت استــنزف عيــــــــوني دمع لعـــين طــــعـــناتــه
ياخيي اقعد الدنيا رمت من تحتي النيران
وهـــــــذا العـــــمر مايــــــحمل بجوفي الا انـــــكساراتــــه
ياخيي ليه تغيب ولية تتركني وانا شفقان
في قـــــــرم يقلــــب جبــــال الهــــموم فـــي عزة ثــــــباته
اعرفة لاوصل كنه صقر من صفوة الويلان
يكـــــش جـــــلد الســـــما ان شــــافت مخــــاليبة وهــداته
رجال تربط حزام القبيلة وتنفلت شجعان
وانا اخــــــــوي يربـــــط رجال القـــبيلة حزام هـــــقـــــــواته
كريم ماهو من يبني فعيال صيته الديوان
فــي صــــدره دلـــــــته وهيـــــله وفناجيله وتمـــــــراته
إذا كان الكرم حمس الهلا في مهجة الضيفان
اخـــــــــوي من حمـــــــس قلبه لضيفه وصب فزعــــــاته
وكم تكف ورمت بين البشر ممزوعة الوجدان
اخـــــــوي قــــبل لاتــــــــرمى عـــلــــية قــــــــــط نخواتـــــــــه
حزين السيف بكفوف الاوادم طافي ذبلان
بعــــد مانـــــــــــام دم اللـــــــي ســــقا فعــــله ومضـــــــــاته
ياخيي اقعد وقعد خضوع بداخل الشريان
تنــــــــام ولا بقـــــــــى هم قطــــــف من دمـــي هـــــــقواتــه
غريبة شلون يكسرك الغياب ويطربك نسيان
ودفــــــــتر جيتــــك ياخيــــــــي طــــــوى من عـمر صفحاته
يجيني وماادري ولكن اعرفه لاوصل جيعان
قــــــــسم وان جــــــــــاني لانحرني لجــــوعه تحت خطواته
وصل زوله هذاك اللي وصل مايشبهه انسان
هــــــــذاك اللــــي وصل شـــــــايل عذاب العــــــمر واهاته
جيت الحين ياخيي بعد ماشالتك امتان
بـــــــعد ماوقـــــــــــفوا غسل الجسد عن كل نـــــــــزواته
ابد لاينغسل هذا الشهم مغسول بالفرسان
اخـــــــــوي من غسل روح الجـــــــــسد في طــــهر نياته
ايا دفان دخيل الله لاتــــــــــدفن ايا دفان
دخـــــيلك خلني ادفـــــــــــن في بالي جمر بسمـــــــــاته
وهب بسماته من هذا المكان لاخر الاحزان
وانا اطــــــحن موتـــــــه في جــــوع الكلام واخبز سكاته
انام شلون؟لاصار الاخو جايع وانا شبعان
اخــــــــوي اللي كسر قلبة لجوعه وجــــــــــاع لحظــــاته
اخوي اللي يمزمزني معاليقة اذا عطشان
اخــــــــوي اللي ثنا عمــــــــره من اجــــل اطلع مسافـــاته
يدين القبر ضميني وسط حزن الاخو نعسان
اه أيرقد دام لــــــــي قــــلب دفـــــن وياه نبضــــــاته
أكيد انه وسط قبره سمع طق الخطاوي الان
ألا يالـــــــــــيت أنا الـــمــــــدفـــــون واســــمع طق خطـــواته

http://www.movn.net/Salem_Sayar/AL_qiBooBaH.ram القصيدة بالصوت

موضوع: رد: الغيبوبه الأحد مايو 11, 2008 9:46 pm

تسلم يداك على القصيده يا بو عذبي

موضوع: رد: الغيبوبه الأحد مايو 11, 2008 9:48 pm

فضحنا سيدنا محد يدري بلقب بوعذبي غيرك Very Happy

موضوع: رد: الغيبوبه الأحد مايو 11, 2008 9:51 pm

بو عذبي بو عذبي بو عذبي بو عذبي بو عذبي بو عذبي بو عذبي بو عذبي بو عذبي بو عذبي بو عذبي بو عذبي بو عذبي بو عذبي بو عذبي بو عذبي

موضوع: رد: الغيبوبه الأحد مايو 11, 2008 10:01 pm

سلام عليكم

صحت اصابعك اللي طبعت القصيدة

سلاااام عرجااال
انا بن ناصر - ليدز الإباء

موضوع: رد: الغيبوبه الأحد مايو 11, 2008 10:22 pm

السلام عليكم

تسلم أناملك الذهبية على نقل هذه القصيدة يا بو عذبي

والدور والباجي على أصحاب الأبوذيات، ترى عندي لهم خوش اقتراح (بس هالمرة بفلوس، خبرك الديرة صايرة غالية) Smile