عقد قران

سلام جميعا


انشالله يوم الثلاثا القادم 16-9 الساعة التاسعة و النصف مساء راح يكون عقد قراننا في سردابنا العظيم

العنوان: العدان ق8 ش 19 م 1

وبحضوركم يتم الفرح والسرور

سلااام عرجاااال
بن ناصر الورد - الكويت الحبيبة

للاسف ماقدر هالفترة ارجع الديرة لاني حاليا في استراليا مقدم عالphd

ولو انه الاخ بن ناصر رفيج العمر لكن الظروف

وان شاء الله بالمبارك

والسلاام

سلام عليكم

اشكركم على المباركة والمرور

لا تحاتي بوداوود دوانية ليدز اذن الله ان ترفع ويذكر فيها اسمه, فماراح تتكنسل لو شنو, ولكن راح تصير اكثر نظاما انشالله, وكله راح يتضبط اول مانوصل هناك ونجتمع مع البقية


موفقين لكل خير

سلااااام عرجااااال
بن ناصر الورد - الكويت الحبيبة

[img][/img]

السلام عليكم

شنو هالزين يا بن ناصر؟

على هالكشخة أقترح ما يلي:

تلبس بشتك وتروح المضافة علشان نزفك بسيارة مضخة ليدز من قلعة القديس جورج الى مطعم جزنك الخالد

والشايات هناك علي

على فكرة

بما إنّك كمّلت نصف دينك ، فتقدر الحين تطلّع كرنيه النادي الإجتماعي الخاص بالمتزوجين (المقر في بيت السيد في ال إس 16) ، وكل المطلوب منّك صورة شخصية وجنيه استرليني للسنة الدراسية ، وخل العزوبية بتوع القلعة وغيرها يشربون من قنال ليفربول

طالب ما طلبش حاجة

سلام عليكم

اشكركم جزيلا اعزائي طالب و بوداوود. باقي الصور انشالله لمن يوصل السيدي انزلها

الفال للعزوبية

اقول لا تغركم الكشخة, ترى البشت اجار

سلاااام عرجااال
بن ناصر الورد - ليدز الإباء

السلام عليكم

اقتباس :

اقول لا تغركم الكشخة, ترى البشت اجار

أول باشتان تأجير البشت للأعراس هذا شي دارج بين الناس لأن ما تسوى تشتري بشت بالشيء الفلاني علشان ليلة واحدة

ثاني باشتان بما أن هذه الأيام ما كو شغل فعندنا ملاحظتين على الصور:

1. ليش عيونك حمر حجي
2. مسكة البشت غلط ، شنو ما سوّولك بروفة

طالب ما طلبش حاجة

سلام عليكم

سويت 3000 بروفة حق مسكة البشت

بس بالنهاية مسكة بالطريقة اللي تريحني لأن صراحة مو هامتني هالسالفة

بالنسبة للعيون, تكفة شلووووون شفتها, انا مو قادر الاحظ هالشغلة

سلااام عرجااال
بن ناصر الورد - ليدز الإباء

السلام عليكم

اقتباس :

بالنسبة للعيون, تكفة شلووووون شفتها, انا مو قادر الاحظ هالشغلة

هذه يسمّونها دقة ملاحظة ، وبعبارة أخرى فضاوة زايدة

بعدين في أنذر تو كوسجنس:

1. منو الشاب اللطيف اللي مصوّر معاك (الفال له يتزوّج إن شاء الله)
2. ليش عقاله ميّالي

على فكرة حجي

أنا لمّا شفت الخاتمين حسبتك الملاّك مو المعرس

طالب ما طلبش حاجة

سلام

اللي يمي هذا بشمهندس أد الدنيا, ولو تدري شكثر ميمع فلوس من ايااام دراسته عالراحة يتزوج فيهم 4


احنا بانتظار الفرحة فيه صراحة لأن يستاهل كل خير

الله يوفقه

سلااااام عرجااااال
بن ناصر الورد - ليدز الإباء

محد يفلس وانا موجود .....

اما بالنسبة للعرس البهيج ... فصحيح اني ماقدت الا اني اسلم عالمعرس وامشي..

لكن صراحة الله يديم اللي قام على تجهيز السرداب من ليتات وخلافه

الظاهر انه سهر الليالي

وعقباله ان شاء الله

شكرا

والسلام

السلام عليكم

اقتباس :

وعقباله ان شاء الله

إن شاء الله

خلّه يسوّي بروفات حق مسكة البشت من الحين

طالب ما طلبش حاجة

انا احاول ابلغه و اوصل له الخبر ...

شكرا

والسلام